Бразилиянинг "Гремио" клуби вингери Эдвард Алиссон фаолиятини Англия Премьер-лигасида давом эттириши мумкин. Бу ҳақда Bolavip Brasil хабар бермоқда.
Манбага кўра, "Астон Вилла" аллақачон 19 ёшли футболчини сотиб олиш бўйича таклиф юборган. Битим суммаси 12 миллион еврони ташкил этиши мумкин.
2025 йилда Алиссон барча турнирларда 43 та ўйин ўтказиб, иккита гол урди ва бешта голли узатмани амалга оширди.
Алиссоннинг "Гремио" билан шартномаси 2029 йилгача мўлжалланган. Transfermarkt портали вингернинг нархини 5 миллион еврога баҳоламоқда.













