"Ливерпуль" посбони Алиссон Бекерга Италиянинг "Милан" клуби қизиқиш билдирмоқда. Бу ҳақда журналист Саша Тавольери хабар берди.
Манбага ишонадиган бўлсак, "Милан" аллақачон "Ливерпуль" билан музокараларга киришган ва тезроқ келишувни расмийлаштирмоқчи экани яққол кўриниб турибди. Ҳозир трансфер учун идеал вақт деб ҳисобланмоқда, чунки ёзда 33 ёшли бразилиялик билан шартноманинг сўнгги йили бошланади.
Алиссон "Ливерпуль" сафида 2018 йилдан буён тўп тепиб келмоқда. Жорий мавсумда у барча мусобақаларда 14та ўйинда майдонга тушиб, 19та гол ўтказиб юборди ва тўрт марта ўз дарвозасини дахлсиз қолдиришга эришди.
Transfermarkt маълумотларига кўра, Алиссоннинг нархи 17 миллион еврога тенг.
