"Милан" ҳужумчиси Сантьяго Хименес ҳозирча жамоасини тарк этиш вариантини кўриб чиқмаяпти. Бу ҳақда Football Italia нашри хабар бермоқда.
Манбага кўра, январь ойи "россонерилар" сафидаги ўйинчи учун ҳал қилувчи ой бўлади. Қайд этилишича, итальян клуби икки ҳужумчи - Рафаэль Леау ва Кристиан Пулишич билан одатий тактикасини ўзгартириши даргумон. Шунга қарамай Хименес жамоа таркибидан жой олиш учун курашмоқчи.
Жорий клуб мавсумда 11 ўйинда Хименес битта гол урди. Transfermarkt сайти маълумотларига кўра, футболчининг бозор нархи 25 млн еврони ташкил этади.













