Португалия терма жамоасининг собиқ дарвозабони Руи Патрисиу 37 ёшида фаолиятини якунлади.
Бу ҳақда Португалия футбол федерацияси маълум қилди. Хайрлашув маросими 12 декабрь куни бўлиб ўтади.
Патрисиу "Спортинг" тарбияланувчиси. У 2006 йилдан 2018 йилгача Лиссабоннинг катталар жамоасида ўйнаган, шундан сўнг "Вулверхэмптон"га ўтган. 2021 йилдан 2024 йилгача дарвозабон "Рома"да ўйнаган. Кейинчалик у "Аталанта"га ўтди ва унинг сўнгги клуби БААнинг "Ал-Айн" клуби эди.
Португалия терма жамоаси сафида Руи 108 та ўйин ўтказиб, 2016 йилда Европа чемпионати ва 2019 йилда Миллатлар лигасида ғолиб чиққан. "Рома" билан у 2021/22 йилги мавсумда Конференциялар лигаси ғолиби бўлди.
"Спортинг" таркибида Патрисиу уч мартадан Португалия кубоги ва Суперкубогини қўлга киритган, шунингдек, Португалия Лига кубоги соҳибига айланган.
