Мадриднинг "Реал" клуби муваффақиятсизлик устига муваффақиятсизликка учрамоқда, Чемпионлар лигаси ўйинида мадридликлар яна ўз майдонида, бу сафар Англиянинг "Манчестер Сити" клубига ютқазди.

Буларнинг барчаси мадридликлар устози Хаби Алонсонинг тез орада истеъфога чиқиши ҳақидаги гап-сўзларга туртки бўлмоқда. Бироқ, "қаймоқранглилар"нинг англиялик ярим ҳимоячиси Жуд Беллингемнинг ишонтиришича, у ҳам бошқа ўйинчилар каби мураббийни тўлиқ қўллаб-қувватлайди.

"100 фоиз. У ажойиб ишлаяпти, у билан ва бошқа футболчилар билан ҳам ажойиб муносабатлар ўрнатганман, буни аниқ биламан," - дея Беллингемнинг сўзларини келтиради BBC Sport.

Эслатиб ўтамиз, Хаби Алонсо "Реал" бошқарувида илк мавсумини ўтказмоқда.