Мадриднинг "Реал" клуби бош мураббийи Хаби Алонсо Родригонинг "Манчестер Сити"га (1:2) қарши ўйиндаги ҳаракатлари ҳақида фикр билдирди.
Бразилиялик футболчи 28-дақиқада "қаймоқранглилар"ни ҳисобда олдинга олиб чиққан бўлса-да, ғалаба барибир меҳмонлар томонида бўлди.
"Ўйлашимча, Родригонинг ўйини бугунги оқшомнинг асосий ижобий мавзуларидан бири. У нафақат тўп билан, балки тўпсиз ҳам яхши эди. Родриго учун жуда хурсандман - бу гол у учун жуда муҳим. Бундан буён унинг ўйини яхшиланиб боради. Биз уни қўллаб-қувватлашда давом этишимиз керак," - деди Алонсо матбуот анжуманида.
24 ёшли вингер "Реал" сафида март ойидан буён илк бор гол урди. Голсиз серия 32 та ўйин давомида давом этди.
