Мадриднинг "Реал" клуби собиқ ҳужумчиси Предраг Миятович "қаймоқранглилар"нинг Европа Чемпионлар Лигаси умумий босқич 6-туридан ўрин олган "Манчестер Сити"га қарши ўйини ҳақида фикр билдирди. "Қироллик клуби" ўз майдонида 1:2 ҳисобида имкониятни бой бериб қўйди.
"Ман Сити" тажрибали жамоа, аммо "Реал" ҳам яхши таассурот қолдирди. Алонсо футболчиларининг ўйини менга ёқди", - дея собиқ футболчининг сўзларини келтиради Cadena Ser.
"Қироллик клуби" Чемпионлар лигаси умумий босқичида 6 та ўйиндан сўнг 12 очко жамғариб, турнир жадвалида еттинчи ўринда бормоқда. Мадридликлар пешқадам Лондоннинг "Арсенал" клубидан 6 очко ортда қолмоқда.
