Дортмунднинг "Боруссия" клуби ҳимоячиси Нико Шлоттербек Чемпионлар лигаси ўйинида етарлича ҳаракат қилмагани учун жамоасини танқид қилди.
Турнирнинг умумий босқич 6-туридан ўрин олган "Боруссия" - "Будё-Глимт" (2:2) учрашуви бўлиб ўтди. Мезбонлар хавбеки Юлиан Брандт жамоасини икки бор ҳисобда олдинга олиб чиққан бўлса, меҳмонлар икки бор ҳисобни тенглаштиришга муваффақ бўлди
"Биз 1:0 ҳисобида олдинга чиқиб олганимиздан сўнг ўта бепарво ўйнай бошладик ва биринчи зарбаларданоқ тўпни жуда ёмон қабул қила бошладик. Ҳар ким ўз ўйинини ўйнарди, холос. Захирадан майдонга тушган футболчилар ҳар бир тўпни йўқотишарди. Кимдир 60-дақиқада майдонга тушса, мен ундан 30 дақиқа тўлиқ куч билан ўйнашини кутаман. Ўнг ва чапдан бироз комбинация қилдик, тўпни дарвозабон устидан ошириб ташладик ва чиройли ўйнашни хоҳладик, лекин қатъий ҳаракат қилиш керак, биз эса буни қилмадик ва ҳаракатларимиз етарли эмас эди", - деди Шлоттербек.
Тур натижаларига кўра, Германия терма жамоаси турнир жадвалида 10-ўринни эгаллаб турибди (11 очко). Норвегия клуби эса 32-поғонадан жой олган (3 очко).
