"Астон Вилла" бош мураббийи Унаи Эмери ярим ҳимоячи Ҳарви Эллиотнинг жамоадаги келажаги ҳақида гапирди. Англиялик футболчи 2025 йилнинг ёзида "Ливерпул"дан ижара асосида клубга ўтган эди. Шартнома 2026 йил 20 июнгача амал қилади.
"Умид қиламанки, биз ҳар икки томон учун энг яхши ечимга кела оламиз. Мен уни ҳам футболчи, ҳам инсон сифатида ҳурмат қиламан. У яхши машқ қилмоқда, лекин бизда битта муаммо бор.
Умид қиламанки, унга барқарор майдонга тушиб, фаолиятини жамоамизда давом эттириши учун ечим топа оламиз. У бизда ижара асосида ўйнайди, аммо у биз билан доимий шартнома имзолаши шарт эмас", - дея мураббийнинг сўзларини келтиради Liverpool Echo.
