"Кристал Пэлас" ярим ҳимоячиси Адам Уортон "Манчестер Юнайтед" радарларида қолмоқда.
"Қизил иблислар" 21 ёшли футболчини асосий трансфер мақсади сифатида белгилаган. Transfer News Live нашрининг Fichajes'ga таяниб хабар беришича, манкунианликлар инглиз учун январь ойидаёқ 100 млн евро атрофида маблағ сарфлашга тайёр.
Шунингдек, Адам Уортонга "Ливерпуль", "Манчестер Сити", "Челси" ва Мадриднинг "Реал" клублари ҳам қизиқиш билдирган. "Кристал Пэлас"нинг ёш юлдузининг машҳур Transfermarkt порталидаги тахминий нархи 60 млн еврони ташкил этади. Хавбекнинг "бургутлар" билан амалдаги меҳнат шартномаси 2029 йилнинг ярмигача мўлжалланган.













