"Манчестер Юнайтед" Андрей Канчельскисга ўзига хос совға тақдим этди. Эслатиб ўтамиз, россиялик собиқ футболчи 90 йиллар ўрталарида сэр Алекс Фергюсон қўл остида манкунианликлар сафида тўп тепган.
Канчельскис 11 декабрь куни "МЮ" машғулот базасига ташриф буюрди. Клуб унга 1993 йилги футболка нусхасини топширди.
"Катта раҳмат. Бу зўр, ажойиб. Яхши хотиралар! Аввал ҳам айтганман: "МЮ"даги ҳар бир ном - катта ном. Бу ажойиб вақт," - дея россияликнинг сўзларини келтиради "МЮ" матбуот хизмати.
"МЮ" таркибида Канчельскис Англия чемпиони, шунингдек, мамлакат кубоги ва Англия лигаси кубоги соҳиби бўлди.
