"Manchester Yunayted" Andrey Kanchelskisga o‘ziga xos sovg‘a taqdim etdi. Eslatib o‘tamiz, rossiyalik sobiq futbolchi 90 yillar o‘rtalarida ser Aleks Fergyuson qo‘l ostida mankunianliklar safida to‘p tepgan.
Kanchelskis 11 dekabr kuni "MYU" mashg‘ulot bazasiga tashrif buyurdi. Klub unga 1993 yilgi futbolka nusxasini topshirdi.
"Katta rahmat. Bu zo‘r, ajoyib. Yaxshi xotiralar! Avval ham aytganman: "MYU"dagi har bir nom - katta nom. Bu ajoyib vaqt," - deya rossiyalikning so‘zlarini keltiradi "MYU" matbuot xizmati.
"MYU" tarkibida Kanchelskis Angliya chempioni, shuningdek, mamlakat kubogi va Angliya ligasi kubogi sohibi bo‘ldi.
