Хаби Алонсонинг истеъфоси мавзуси Мадриднинг "Реал" клуби "Манчестер Сити"дан учралган мағлубиятдан кейин испан футболида энг кўп муҳокама қилинган мавзуга айланди.
Чоршанба куни бўлиб ўтган Чемпионлар лигаси уй учрашувида "қаймоқранглилар" 1:2 ҳисобида мағлуб бўлди. Учрашув якунлангач, журналистлар "Сантьяго Бернабеу"ни тарк этаётган мухлислардан мураббийнинг келажаги ҳақида сўрашди.
"Клуб сабр қилиб, Хабига вақт бериши керак. Унинг ўрнига кимни тайинлашади? Алонсо ҳозирча бу иш учун энг муносиб одам. Биз янги "Манчестер Юнайтед"га айланиб қолмаслигимиз керак," - дея мухлислардан бирининг сўзларини келтиради Diario AS.
Хаби Алонсо "Реал"да иш бошлаганига ярим йилдан ошди.
