Мюнхеннинг "Бавария" клуби қанот ҳимоячиси Саша Боэнинг қишки трансферлар ойнасида жамоани тарк этиши эҳтимоли юқори. Бу ҳақда нуфузли инсайдер Фабрицио Романо маълум қилди.
Манбага кўра, сўнгги пайтларда бир қатор клублар "Бавария"нинг 25 ёшли француз футболчиси трансферига фаол қизиқиш билдира бошлаган. Хусусан, Боэни "Кристал Пелас" ўз сафига қўшиб олмоқчи.
Жорий мавсумда ҳимоячи барча мусобақаларни қўшиб ҳисоблаганда 14 та ўйинда майдонга тушди ва битта самарали узатма муаллифига айланди.
Боэнинг "Бавария" билан амалдаги шартномаси 2028 йилга қадар имзоланган. Transfermarkt портали футболчининг нархини 18 млн еврога баҳоламоқда.
