Махачқалъанинг «Анжи» клубида президент маслаҳатчиси бўлиб ишлаб келаётган Герман Ткаченко Россиянинг «Итоги» нашрига берган интервьюсида ўз вақтида Абрамович билан ишлаган даврларини ёдга олиб ўтди.

«Роман «Тоттенҳэм»ни сотиб олиши мумкин эди. Деярли бу масала ҳал бўлиб қолганди. Лекин бир куни «Стемфорд Бриж» рўпарасидан ўтиб кетаётганимизда унга бошқа фикр келиб қолди. Банкротликка яқин қолган «Челси»ни сотиб олсакчи, деди ва шу ниятда музокараларга киришиб бу ишни амалга оширди».

«Бу харид футбол тарихидаги энг муҳим воқеиликлардан бири бўлди дея оламан. У «Челси»ни сотиб олиш орқали ўлиб бораётган футболга яна жон ато этди. У футболни қутқариб қолди».

«Ҳозир «Челси» жаҳон брендларидан бири. Клуб ўзига сарфланган харажатларни қоплай бошлаган ва фойда ҳам келтирмоқда. Бироқ Абрамович уни бизнес мақсадида сотиб олмаганди. У шунчаки футбол учун шу ишни қилган. У футболга «касал» эди». Футболни дилдан яхши кўради», дея гапириб ўтди Ткаченко.