Мадриднинг "Реал" клуби бош мураббийи Хаби Алонсо клубдан истеъфога чиқарилиш арафасида турибди, дея хабар бермоқда АS нашри журналисти Хосе Диас.
Манбага кўра, испаниялик Испания Ла Лигаси 16-тури доирасида "Алавес"ни мағлуб этган тақдирда ҳам истеъфога чиқарилиши мумкин. Мутахассиснинг истеъфосини журналист вақт масаласи деб атади. "Реал"дагилар Хаби юзага келган вазиятни ўнглай олишига ишонмаяпти. 10 декабрь куни мадридликлар Чемпионлар лигаси умумий босқич 6-туридан ўрин олган "Манчестер Сити"га (1:2) мағлуб бўлди.
Хаби "Реал"ни шу йилнинг ёзида қабул қилиб олганди. Алонсо илгари Бундеслигада ғалаба қозонган "Байер"да ишлаган.
"Қаймоқранглилар" Ла Лиганинг 16-туридан кейин пешқадам "Барселона"дан 4 очко ортда қолиб, турнир жадвалида 2-ўринда бормоқда.
