Слот "Брайтон"га қарши ўйин олдидан "Ливерпул"нинг кадрлар ҳолати ҳақида гапирди.
Мураббийнинг сўзларига кўра, яримҳимоячи Ватару Эндо ва ҳужумчи Коди Гакпо бир неча ҳафтага сафдан чиққан. Шу билан бирга, Кьеза тикланди.
"Федерико Кьеза энди касал эмас, у кеча машғулот ўтказди ва бугун ҳам машғулот ўтказади, шунинг учун у тайёр бўлишига умид қиламан.
Коди Гакпо ва Ватару Эндо бир неча ҳафтага сафдан кетишди. Кодида мушак жароҳати, Ватаруда эса тўпиқ жароҳати бор.
Александр Исак "Интер"га қарши ўйиннинг биринчи бўлимида жароҳат олди ва бугун биз унинг шанба куни асосий таркибда майдонга туша олиши ёки тушмаслигини аниқлашдан олдин жисмоний ҳолатини текширамиз", - деди Слотт.
