"Барселона" бош мураббийи Ханс-Дитер Флик матбуот анжуманида ҳимоячи Алехандро Бальде ҳақидаги саволга жавоб берди.
«У ёш. Унинг яхши ўйнаётганини кўриб турибман. У диққатни жамлаган, жароҳатдан кейин кўп машқ қилади ва юқори салоҳиятга эга. Менимча, унда Испания терма жамоасида ўйнаш учун сифат бор, гарчи бу менинг ишим бўлмаса ҳам. У ҳар куни ва ҳар бир ўйинда ишлашда давом этиши керак», - деди Флик журналистларга.
"Барселона" шанба куни Испания чемпионатида ўз майдонида "Осасуна"га қарши баҳс олиб боради.
