Мадриднинг "Реал" клуби "Ренн" марказий ҳимоячиси Жереми Жакени диққат билан кузатиб бормоқда. Клуб 20 ёшли футболчининг ўйинини кузатиш учун бир неча бор скаутларни юборган. Бу ҳақда Madrid Universal журналист Маттео Мореттога таяниб хабар берди.
Манбага кўра, "қаймоқранглилар" таркибидагилар Жакенинг хариди клубнинг ёш иқтидорларни жалб қилиш сиёсатига жуда мос келади, деб ҳисобламоқда.
Жорий мавсумда Жаке Лига 1да 15та ўйинда майдонга тушди. Футболчининг клуб билан меҳнат шартномаси 2029 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 12 млн еврони ташкил этади.
