"Ливерпуль" бош мураббийи Арне Слот ҳужумчи Муҳаммад Салоҳни таркибга қайтаришга қарор қилди.

Мисрлик футболчи Чемпионлар лигаси доирасида сешанба куни Миланнинг "Интер" клубига қарши бўлиб ўтган ўйинда қайдномага киритилмади, аммо шанба куни АПЛ доирасида "Брайтон"га қарши баҳсда майдонга тушиши мумкин.

Маълум бўлишича, Салоҳни бўлажак ўйинга қайдномага киритиш бўйича якуний қарорни Слотнинг ўзи қабул қилган. Шу билан бирга, TEAMtalk хабарига кўра, нидерландиялик мураббий юлдузни таркибга қайтаришдан олдин "Ливерпуль" раҳбарияти ва жамоанинг етакчи футболчилари билан маслаҳатлашган.

"Брайтон"га қарши ўйиндан сўнг Муҳаммад Салоҳ Африка Кубогида иштирок этиш учун Миср терма жамоаси қароргоҳига жўнаб кетади.