Миланнинг "Интер" клуби аргентиналик форварди Лаутаро Мартинес жамоадошларидан норози.
TyC Sports хабарига кўра, Мартинес жароҳатлар вақтида ўзини қандай тутиши туфайли жамоадошларидан ғазабланмоқда.
Унинг фикрича, Дюмфрис, Чалханоглу ва Тюрам ҳар доим тикланиш учун жуда кўп вақт сарфлашади ва ҳал қилувчи лаҳзаларда жамоани тарк этишади. Шу билан бирга ҳужумчининг ўзи "Интер"га ёрдам бериш учун уколларда ўйнамоқда.
Жорий мавсумда 28 ёшли Мартинес барча мусобақаларда 19 та ўйинда майдонга тушиб, 11 та гол урди ва 2 та голли узатмани ўз ҳисобига ёздириб қўйди. "Интер" 14 турдан сўнг 30 очко тўплаган ҳолда А Серия турнир жадвалида учинчи ўринда бормоқда.
