"Бавария"нинг собиқ футболчиси Дитмар Хаманн "Ливерпуль"га ўтган Флориан Вирцнинг ўйини ҳақида фикр билдирди.

Собиқ футболчининг сўзларига кўра, ярим ҳимоячи ҳозирча Англия чемпионати талабларига мослаша олмаган ва жамоа ўйинига кутилганидек таъсир кўрсата олмаяпти. Хаманнинг таъкидлашича, Вирц АПЛда кўп ўйин ўтказган бўлса-да, ҳалигача сермаҳсул ҳаракат қилмаган.

- Унинг ўйинини кузатганимда, баъзида унинг ўзи ҳам "Ливерпуль"да муваффақият қозонишига ишонмаётгандек ҳис қиламан, - дея Хаманнинг сўзларини келтиради Sky Sport.

Унинг таъкидлашича, инглиз футболи услуб жиҳатидан анча фарқ қилади ва айни дамда германиялик хавбек бу шароитга мослаша олмаган.

Вирц "Ливерпуль" сафида АПЛда 14 та ўйинда майдонга тушиб, гол ҳам, голли узатма ҳам амалга ошира олмади.