"Bavariya"ning sobiq futbolchisi Ditmar Xamann "Liverpul"ga o‘tgan Florian Virsning o‘yini haqida fikr bildirdi.
Sobiq futbolchining so‘zlariga ko‘ra, yarim himoyachi hozircha Angliya chempionati talablariga moslasha olmagan va jamoa o‘yiniga kutilganidek ta’sir ko‘rsata olmayapti. Xamanning ta’kidlashicha, Virs APLda ko‘p o‘yin o‘tkazgan bo‘lsa-da, haligacha sermahsul harakat qilmagan.
- Uning o‘yinini kuzatganimda, ba’zida uning o‘zi ham "Liverpul"da muvaffaqiyat qozonishiga ishonmayotgandek his qilaman, - deya Xamanning so‘zlarini keltiradi Sky Sport.
Uning ta’kidlashicha, ingliz futboli uslub jihatidan ancha farq qiladi va ayni damda germaniyalik xavbek bu sharoitga moslasha olmagan.
Virs "Liverpul" safida APLda 14 ta o‘yinda maydonga tushib, gol ham, golli uzatma ham amalga oshira olmadi.
