Лондоннинг "Арсенал" клуби бош мураббийи Микель Артета "канонирлар"нинг жароҳат олган ҳимоячиси Вильям Салиба ҳақида гапирди.
"Биз кутишимиз ва кўришимиз керак. Кўрамиз, у сафда бўла оладими ёки йўқми. Ҳаммаси аввалгидек. Агар мендан "Эвертон" билан ўйин ҳақида сўрасангиз, ўйлайманки, у ўша санада формада бўлади, эртанги ўйин ҳақида эса билмайман," - дея Артетанинг сўзларини келтиради "канонирлар" матбуот хизмати.
Салиба ноябрь ойида АПЛ доирасида "Челси"га қарши ўйин (1:1) олдидан жароҳат олганди. Ўшандан бери француз майдонга тушмади. "Канонирлар" марказий ҳимоясидаги вазиятни бошқа бир асосий ҳимоячи - Габриэль дос Сантоснинг жароҳатлари, шунингдек, Салибанинг ўринбосари Кристиан Москеранинг шикастланиши мураккаблаштирмоқда.
