Шанба куни "Барселона" ўз майдонида "Осасуна"ни мағлуб этиб (2:0), Мадриднинг "Реал" клуби билан орадаги фарқни 7 очкога етказди.
"Қаймоқранглилар" ўз ўйинини якшанба куни "Алавес"га қарши ўтказади. Ушбу ўйин Хаби Алонсо учун "қироллик клуби" бош мураббийи сифатидаги сўнггиси бўлиши мумкин - у қониқарсиз натижалар туфайли истеъфога чиқарилиши мумкин.
"Барселона"нинг кечаги учрашуви давомида "Камп Ноу" томошабинлари бир неча бор "Хаби, қол" дея масхараомуз қичқиришди.
Алонсо "Реал"даги лавозимини ярим йилдан сал кўпроқ вақт олдин - июнь ойида эгаллаган эди. У Бразилия терма жамоасини қабул қилиб олган Карло Анчелотти ўрнини эгаллади.
