"Барселона" вингери Рафинья Диас Ла Лига доирасидаги "Осасуна"га (2:0) қарши ўйиндан сўнг журналистлар билан суҳбатлашди.
Бразилиялик футболчи 70-дақиқада ҳисобни очган бўлса, 86-дақиқада иккинчи тўп билан "кўк-анорранглилар"нинг ғалабасини таъминлади.
"Ғалабалар жамоамизга ишонч бағишлайди, шунинг учун ғалаба қозонишда давом этиш жуда муҳим. Ҳозир ҳаммаси яхши кетяпти. Энг муҳими, ўзингизга эътибор қаратинг.
"Осасуна" яхши ҳимояланди, аммо ўйинни сифатли ўтказдик. Биринчи голни уриш жуда қийин бўлишини билардик, аммо сабр катта аҳамият касб этди" - дея Рафиньянинг сўзларини келтиради Barca Universal.
