"Бавария" форварди Харри Кейн Бундеслига 14-туридан ўрин олган "Майнц"га (2:2) қарши ўйинда ўз уйидаги дуранг ҳақида фикр билдирди.
Инглиз форварди 87-дақиқада пенальтидан унумли фойдаланиб, ҳисобни тенглаштирди, аммо учрашув натижаси барибир мюнхенликларда умидсизлик ҳиссини қолдирди. Кейннинг таъкидлашича, биринчи бўлимда "Бавария" ўйинни тўлиқ назорат қилди ва танаффусдан анча олдин ўйин тақдирини ҳал қилиш учун етарлича вазиятлар яратди. Аммо кийиниш хонасига кетиш олдидан ўтказиб юборилган гол ўйин характерини ўзгартириб юборди.
- Биринчи бўлимда тўлиқ назоратни қўлга олдик ва гол уриш учун кўплаб имкониятларга эга бўлдик. Аммо улар танаффус арафасида тўсатдан ҳисобни тенглаштиришди ва бу ўйинни ўзгартирди. Танаффусдан сўнг яна устунликка эришдик, аммо якуний зарбаларда аниқлик етишмади", - деди ҳужумчи.
Шу билан бирга, Кейн тиғиз ўйинлар жадвалидан баҳона қидиришдан бош тортди ва жамоа мавсумнинг биринчи қисмини иккита ғалаба билан якунлашни кутганини тан олди.
