"Милан" қишки трансферлар даврида камида икки нафар футболчини ўз сафига қўшиб олишни режалаштирмоқда.
"Россонерилар" раҳбарияти янги марказий ҳужумчи таклиф қилмоқчи, дея хабар бермоқда таниқли журналист Николо Скира, шунингдек, жамоага марказий ҳимоячи керак. Эслатиб ўтамиз, сўнгги ойларда ОАВда "Вест Хэм"нинг 32 ёшли германиялик ҳужумчиси Никлас Фьюллкругнинг эҳтимолий трансфери ҳақида миш-мишлар фаол тарқалмоқда.
"Милан" А Серия 15-туридан кейин турнир жадвалида 2-ўринда бормоқда. Массимилиано Аллегри жамоаси ҳисобида 32 очко мавжуд - бу пешқадам "Интер"дан бир очко кам.













