"Милан" бельгиялик ярим ҳимоячи Алексис Салемакерс билан шартномани узайтирганини эълон қилди.

Томонлар 2031 йил июнига қадар битим туздилар, у 2026 йил 1 июлдан кучга киради. 26 ёшли футболчининг клуб билан аввалги шартномаси 2027 йилнинг ёзигача мўлжалланган эди. Аввалроқ, инсайдер Фабрицио Романо янги шартномага кўра, ярим ҳимоячининг маоши кўпроқ бўлишини маълум қилганди.

Салемакерс 2020 йилдан бери "Милан" шарафини ҳимоя қилмоқда. 2025/26 йилги мавсумда у барча мусобақаларда 18 та ўйинда майдонга тушиб, 2 та гол урди ва 4 та голли узатмани амалга оширди.

Футболчи "Милан"дан ижара асосида "Болонья" ва "Рома" клубларида ҳам ўйнаган.