"Milan" belgiyalik yarim himoyachi Aleksis Salemakers bilan shartnomani uzaytirganini e’lon qildi.
Tomonlar 2031 yil iyuniga qadar bitim tuzdilar, u 2026 yil 1 iyuldan kuchga kiradi. 26 yoshli futbolchining klub bilan avvalgi shartnomasi 2027 yilning yozigacha mo‘ljallangan edi. Avvalroq, insayder Fabrisio Romano yangi shartnomaga ko‘ra, yarim himoyachining maoshi ko‘proq bo‘lishini ma’lum qilgandi.
Salemakers 2020 yildan beri "Milan" sharafini himoya qilmoqda. 2025/26 yilgi mavsumda u barcha musobaqalarda 18 ta o‘yinda maydonga tushib, 2 ta gol urdi va 4 ta golli uzatmani amalga oshirdi.
Futbolchi "Milan"dan ijara asosida "Bolonya" va "Roma" klublarida ham o‘ynagan.













