"Арсенал" "Милан" дарвозабони Лоренцо Торрианини ўз сафига қўшиб олмоқчи, дея хабар бермоқда Gazzetta dello Sport.
Манбага кўра, инглизлар 20 ёшли посбоннинг "Милан"даги келажаги борасида италияликларнинг қарорини кутмоқда. 2026 йилнинг январида мавсум якунига қадар уни Б Серия жамоаларидан бири ижарага олиши ҳам эҳтимолдан холи эмас.
2025/26 йилги мавсумда "Милан" ёшлар жамоаси сафида Д Серияда 10 та ўйинда Торриани 12 та гол ўтказиб юборди. Унинг жамоа билан шартномаси 2030 йилнинг 30 июнига қадар мўлжалланган.
Transfermarkt портали футболчининг трансфер қийматини 500 минг еврога баҳоламоқда.
