АПЛ ўн олтинчи турининг сўнгги баҳсида "Манчестер Юнайтед" "Борнмут" билан дуранг ўйнади, ҳар икки клуб бир-бирининг дарвозасига 4 тадан гол урди.

Ушбу беллашув ҳақида "Ливерпуль"нинг собиқ футболчиси Жейми Каррагерга ўз фикрларини билдирди. У бўлиб ўтган ўйинни "АПЛ жорий мавсумидаги ҳозирча энг яхшиси" деб атади.

"Менимча, биз чемпионатнинг жорий мавсумдаги энг яхши ўйинини томоша қилдик. Бундай ўйинлар АПЛни эксклюзив лигага айлантиради. Дунёдаги энг яхшиси, деб айтишдан уялмайман. "Манчестер Юнайтед" ўйинининг катта қисми ақл бовар қилмайдиган даражада ўтди," - дея Каррагернинг сўзларини келтиради BBC Sport.

"Борнмут" Англия чемпионати турнир жадвалида ўн учинчи ўринда бормоқда. "Манчестер Юнайтед" эса бешинчи поғонага кўтарилди.