Лондоннинг "Челси" клуби бош мураббийи Энцо Мареска клуб хўжайинлари билан муносабати ҳақида гапирди.
Аввалроқ, жамоа устози инвесторлар томонидан етарлича қўллаб-қувватланмаётганига ишора қилганди.
"Ҳаммаси жойида, муносабатлар яхши," - дея Маресканинг сўзларини келтиради Фабрицио Романо.
Аввалроқ, Маресканинг юқори ўринлар ва чемпионлик учун курашда "Челси" таркибини сезиларли даражада кучайтириш керак деб ҳисоблаши ҳақида хабарлар тарқалган эди.
Бироқ, клуб раҳбарияти ҳамон ички захираларни ишга солиш сиёсатидан воз кечишдан маъно кўрмаяпти.
