«Актобе» жамоаси ҳужумчиси, россиялик Идрис Умаев фаолиятини Қозоғистон ҳамда Ўзбекистонда давом эттириш вариантларини кўриб чиқаётганини айтди. У тўлиқ ўйинларда иштирок этиш ва ўйин ўйин амалиётига эга бўлишни исташини таъкидлади, деб хабар беради Sports.kz «Адам Ахмадов» YouTube-каналига таяниб.

— «Актобе» билан шартномам 1+1 эди. Мавсум тугади ва энди қарор қабул қилишим керак. Шу билан бир пайтда мулоқот қилиб турибман, Қозоғистон ва Ўзбекистондан вариантлар бор. Кеча ҳам қўнғироқ қилишди.

— Демак, устувор вариант «Актобе»ми?
— Мен қолишни хоҳлаяпман, деб айтолмайман, чунки бу мавсум жуда кам ўйнадим. Кейинги мавсумда ҳам шундай бўлса, бу мен учун катта минус бўлади. Қаердадир тўлиқ мавсум ўтказишни истайман. Ҳар бир ўйинда майдонга тушиб, ўйин тонусини йиғишни хоҳлайман. Кейин кўрамиз. Лекин ишонаманки, агар ўйнасам, жамоага фойда келтираман ва сўнгги мавсумга нисбатан ўзимни анча яхшироқ кўрсатаман.

Ўтган мавсумда Умаев 19 та ўйинда майдонга тушиб, икки гол урди ва тўртта голли узатма амалга оширди.