"Кристал Пэлас" сафида тўп тепаётган 29 ёшли колумбиялик ҳимоячи Даниэль Муньос Англия чемпионатининг бир қатор топ-клублари қизиқишлари доирасига тушиб қолди. Бу ҳақда Caught Offside хабар бермоқда.
Журналистлар маълумотига кўра, тажрибали футболчини "Манчестер Сити", "Манчестер Юнайтед" ва "Челси" клублари ўз сафига қўшиб олмоқчи. Муньоснинг трансферига шахсан "шаҳарликлар" устози Хосеп Гвардиола қизиқиш билдирмоқда.
Даниэлнинг "бургутлар" билан амалдаги меҳнат шартномаси 2028 йилнинг ёзида ўз ниҳоясига етади. Transfermarkt портали экспертлари футболчининг бозор нархини 27 миллион еврога баҳоламоқда.
