"Реал" бош мураббийи Хаби Алонсо "Негрейра иши" бўйича тергов ҳақида гапирди.
2023 йилда "Барселона" ва унинг раҳбарияти Испания Қироллик футбол федерациясида (РФЕФ) ишлаган Ҳакамлар техник қўмитаси (CТА) собиқ вице-президенти Хосе Мария Энрикес Негрейрага пора беришда айбланган эди. Суд Негрейрага 2001-2018 йилларда "Барселона"дан 7,7 млн евро тўлаганини жиноят деб топди.
- Биз клуб ва президент Флорентино Перес позициясини баҳам кўрамиз. Энг муҳими, футбол манфаати учун бўлиб ўтган воқеалар ҳақиқати ошкор бўлиши керак.
- Ҳакамларнинг "Реал"га нисбатан баёнотини қандай баҳолайсиз?
- Ҳар ким ўз манфаатини ҳимоя қилишга ҳақли. Ким ўзини хафа бўлган ҳис қилса, гапириши керак. Биз айнан шундай қиляпмиз.
- "Барса" унвонларига доғ тушдими?
- Йўқ, йўқ. Мен бу ҳақда гапирмоқчи эмасман.
- Испанияда ҳакамлик бошқа лигалардан фарқ қиладими?
- Ҳар бир лигада ҳар хил хатолар бўлади. Ҳамма одамлар адашади. Лекин бу воқеани текшириш керак. Содир бўлган воқеалар шунчаки ҳайратланарли. Шунинг учун ҳақиқатни билиш жуда муҳим. Бу нормал ҳолат эмас, буни нормал ҳолат сифатида қабул қилиб бўлмайди", - деди Алонсо Испания кубоги доирасида "Талавера"га қарши ўйин олдидан ўтказилган матбуот анжуманида.
