"Челси"нинг 19 ёшли қанот ҳужумчиси Тайрик Жорж Лондон жамоасида ўйин амалиёти йўқлигидан хафа бўлмоқда ва тезроқ ҳаракат қилиш мақсадида бошқа клубга ўтишга ҳаракат қилмоқда. Бу ҳақда Caught Offside хабар бермоқда.

Манбага кўра, футболчига "Лидс", "Эвертон", "Фулхэм", "Кристал Пэлас", "РБ Лейпциг" ва "Рома" клублари қизиқиш билдирмоқда. Таъкидланишича, "кўклар" 22 млн фунтлик таклифларни кўриб чиқиши мумкин. "Фулхэм" ёзда вингер трансфери учун айнан шунча пул таклиф қилганди, бироқ келишув амалга ошмади.

Жорий мавсумда Жорж барча мусобақаларда 10 та ўйинда майдонга тушиб, 3 та гол ва 1 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган.