"ПСЖ" собиқ ҳужумчи Килиан Мбаппе билан боғлиқ иш бўйича Париж Меҳнат судининг қароридан сўнг расмий баёнот берди.
Клуб баёнотида "ПСЖ" суд қарорини қабул қилиши ва унга риоя қилиш ниятида эканлиги, шу билан бирга апелляция бериш ҳуқуқини ўзида сақлаб қолиши таъкидланган.
Париж клуби ҳар доим тўғри ва қонун доирасида ҳаракат қилганини ва ушбу тамойилларга риоя қилишда давом этиш ниятида эканлигини таъкидлади.
"ПСЖ энди бирдамлик ва жамоавий муваффақиятга асосланган келажакка қарайди ва футболчига келажакдаги фаолиятида энг яхши тилакларни тилайди", дейилади баёнотда.
