«Барселона» бош мураббийи Ханс-Дитер Флик жамоасининг Испания Кубоги 1/16 финал босқичида «Гвадалахара» устидан 2:0 ҳисобида қозонилган ғалабаси ҳақида фикр билдирди.

— «Жамоанинг жанговар руҳи менга жуда ёқди ва ғалабадан хурсандман. Кубок ўйинлари ҳар доим осон ўтмайди, аммо биз муносиб ўйнадик. Энг муҳими — бутун учрашув давомида қандай кўрсатма ва руҳият билан ҳаракат қилганимиз.

Яна такрорлайман: футболчиларнинг бу ўйинга бўлган муносабати ҳал қилувчи омил бўлди. Бундай учрашувларда гол уриш қийин кечади, аммо биз бунга эришдик», — дея Фликнинг сўзларини келтиради Marca.

Ушбу баҳсда голларни 76-дақиқада даниялик ҳимоячи Андреас Кристенсен ҳамда 90-дақиқада англиялик вингер Маркус Рашфорд киритди.