"Бавария" бош мураббийи Венсан Компани мунтазам равишда футболчиларни Харри Кейндан ўрнак олишга чақириб келади.

Англиялик ҳужумчи нафақат сермаҳсуллиги, балки тўпсиз ўйинда жонбозлик кўрсатиши, жамоа учун ишлаши билан ҳам танилган. Мюнхен грандининг бельгиялик бош мураббийи бошқа футболчиларга ҳар бир футболчидан шундай кайфиятни кўришни исташини бот-бот эслатиб туради: "Барчангиздан шуни кутаман. Ҳозир ҳам, беш йилдан кейин ҳам!" - дея Компаниянинг сўзларини келтиради Sport Bild.

Жорий мавсумда Харри Кейн "Бавария" сафида барча мусобақаларда 24 та ўйинда майдонга тушиб, 29 та гол ва 3 та голли узатмани амалга оширди. Ҳужумчи 2023 йилнинг ёзида мюнхенликлар сафига қўшилган бўлса, бир йилдан сўнг Венсан Компани бош мураббийликда иш бошлади.