"Bavariya" bosh murabbiyi Vensan Kompani muntazam ravishda futbolchilarni Xarri Keyndan o‘rnak olishga chaqirib keladi.

Angliyalik hujumchi nafaqat sermahsulligi, balki to‘psiz o‘yinda jonbozlik ko‘rsatishi, jamoa uchun ishlashi bilan ham tanilgan. Myunxen grandining belgiyalik bosh murabbiyi boshqa futbolchilarga har bir futbolchidan shunday kayfiyatni ko‘rishni istashini bot-bot eslatib turadi: "Barchangizdan shuni kutaman. Hozir ham, besh yildan keyin ham!" - deya Kompaniyaning so‘zlarini keltiradi Sport Bild.

Joriy mavsumda Xarri Keyn "Bavariya" safida barcha musobaqalarda 24 ta o‘yinda maydonga tushib, 29 ta gol va 3 ta golli uzatmani amalga oshirdi. Hujumchi 2023 yilning yozida myunxenliklar safiga qo‘shilgan bo‘lsa, bir yildan so‘ng Vensan Kompani bosh murabbiylikda ish boshladi.