"Атлетик" Бильбао ва Испания терма жамоаси дарвозабони Унаи Симон якунланаётган йил якунлари бўйича энг яхши футбол мураббийлари учлигини эълон қилди. Бир кун аввал Қатарда ФИФА The Best мукофотларини топшириш маросими бўлиб ўтди.
Испаниялик биринчи ўринга Франциянинг "ПСЖ" клубида ишлайдиган ҳамюрти Луис Энрикени қўйди. Иккинчи ўринни Лондоннинг "Арсенал" клуби устози Микель Артета эгаллади. Топ-3 ликни Португалия терма жамоаси бош мураббийи Роберто Мартинес якунлаб берди.
Эслатиб ўтамиз, The Best мукофотини Энрике қўлга киритган эди. Ўтган мавсумда испаниялик мутахассис Париж гранди билан бирга Лига 1, Европа Чемпионлар Лигаси, Франция кубоги ва Суперкубоги ғолиби бўлди.
