Қатарда ФИФА The Best мукофотларини топшириш маросими бўлиб ўтди. 2025 йилнинг энг яхши дарвозабони учун овоз беришда аргентиналик юлдуз ҳужумчи Лионель Месси ҳам иштирок этди.
"Олтин тўп"нинг саккиз карра соҳиби Италия терма жамоаси ва Англиянинг "Манчестер Сити" клуби дарвозабони Жанлуижи Доннаруммани биринчи ўринга қўйди. Иккинчи ўринни Лионелнинг ҳамюрти - Бирмингемнинг "Астон Вилла" клуби дарвозабони Эмилиано Мартинес эгаллади. Месси Мадриднинг "Реал" клубида тўп тепаётган бельгиялик Тибо Куртуани учинчи ўринга қўйди.
Эслатиб ўтамиз, якунланаётган йил якунларига кўра, Доннарумма дунёнинг энг яхши дарвозабони деб топилди.
