Нидерландиялик ҳужумчи Мемфис Депай Мадриднинг "Реал" клуби футболчиси Эндрикни руҳлантирди.
Жорий мавсумда 19 ёшли бразилиялик футболчи деярли ўйин амалиётига эга бўлмаяпти, шунинг учун у январда ижарага кетади. Ҳужумчининг ижтимоий тармоқлардаги постларидан бири остида Испаниянинг "Барселона" ва Мадриднинг "Атлетико" клубларида ўйнаган Мемфис Депайнинг изоҳи пайдо бўлди.
"Сабр. Сенинг вақтинг тез орада келади," - деб ёзди ҳозирда Бразилиянинг "Коринтианс" клуби шарафини ҳимоя қилаётган нидерландиялик футболчи.
Эҳтимол, Депай Эндрикнинг тез орада "Лион"га ўтишига ишора қилгандир - Мемфиснинг ўзи 2017 йилдан 2021 йилгача француз клубида муваффақиятли ўйнаган.
