"Барселона" марказий ҳимоячиси Пау Кубарси клуб сафида 100 та ўйин ўтказган иккинчи энг ёш футболчига айланди. Унинг юбилейи Испания кубоги 1/32 финалидан ўрин олган "Гвадалахара"га қарши ўйинга (2:0) тўғри келди.
Кубарси ўзининг 100-учрашувини атиги 18 ёшу 329 кунлигида ўтказди. Ундан олдин бундай кўрсаткичга фақат ҳужумчи Ламин Ямал эришган, у 17 ёшу 293 кунлигида ўзининг 100-учрашувида майдонга тушган. Кечаги "Гвадалахара"га қарши ўйин унинг учун "Барселона"даги 125-ўйин бўлди.
Ҳозирда каталонияликлар сафида ўз клуби сафида 100 та ўйинда майдонга тушган энг ёш беш футболчидан тўрт нафари - Ламин Ямал ва Пау Кубарси, шунингдек, Гави (19 ёш-у 84 кун) ва Педри (20 ёш-у 66 кун) ўйнамоқда.
