Каталониянинг "Барселона" клуби Чемпионлар лигаси доирасидаги ўйинда "Айнтрахт" мухлислари клуб стадионига зарар етказган деб ҳисобламоқда.

RAC1 хабарига кўра, "кўк-анорранглилар" немис клубидан 6 100 евро миқдорида компенсация талаб қилади. Бу сумма меҳмон мухлислар «Spotify Камп Ноу» стадионида етказган зарарлар учун сўралмоқда.

"Айнтрахт" мухлислари:

— "Барcелона" мухлислари билан уларни ажратиб турувчи тўсиқнинг бир қисмини синдирган,

— ўриндиқларни вайрон қилган,

— файерлар (шамчалар) отган ва бошқа тартибсизликларга йўл қўйган. Клуб етказилган зарарни расмий тартибда ундириш ниятида.