Бугун, 17 декабрь куни "ПСЖ" ҳамда "Фламенго" жамоалари ўртасида қитъалараро кубок учрашуви бўлиб ўтади. Бразилия клуби спорт директори Хосе Бото бўлажак ўйинга бағишланган интервьюсида ҳужумчи Винисиус Жуниорнинг клубга қайтиш имконияти бор-йўқлиги ҳақида гапирди.
"Фламенго"га келган одамларда унга бўлган муҳаббат ва эҳтирос абадий давом этади. Шундай вақт келадики, улар қайтишни истайдилар. Бу аниқ," - дея Ботонинг сўзларини келтиради Mundo Deportivo.
Винисиус профессионал фаолиятини "Фламенго"да бошлаган. У Бразилия клуби сафида 69 та ўйинда майдонга тушиб, 14 та гол урган ва 5 та голли узатмани амалга оширган.
