Bugun, 17 dekabr kuni "PSJ" hamda "Flamengo" jamoalari o‘rtasida qit’alararo kubok uchrashuvi bo‘lib o‘tadi. Braziliya klubi sport direktori Xose Boto bo‘lajak o‘yinga bag‘ishlangan intervyusida hujumchi Vinisius Juniorning klubga qaytish imkoniyati bor-yo‘qligi haqida gapirdi.
"Flamengo"ga kelgan odamlarda unga bo‘lgan muhabbat va ehtiros abadiy davom etadi. Shunday vaqt keladiki, ular qaytishni istaydilar. Bu aniq," - deya Botoning so‘zlarini keltiradi Mundo Deportivo.
Vinisius professional faoliyatini "Flamengo"da boshlagan. U Braziliya klubi safida 69 ta o‘yinda maydonga tushib, 14 ta gol urgan va 5 ta golli uzatmani amalga oshirgan.
