"Фламенго" ҳимоячиси Клейтон Сантана дос Сантос 2026 йилнинг 1 январида эркин агент сифатида Германиянинг "Вольфсбург" клубига ўтади. Бу ҳақда "бўрилар" расмий сайти хабар бермоқда.
Рио-де-Жанейро клуби тарбияланувчиси бўлган 22 ёшли футболчи билан 4,5 йиллик шартнома имзоланди.
Жорий мавсумда Клейтон клуб миқёсида 7 та ўйинда майдонга тушди. У 2 та огоҳлантириш ва 1 та четлатиш олди.













