"Ливерпуль"нинг собиқ футболчиси Жейми Каррагер Лондоннинг "Арсенал" клубидаги ҳужумчилар билан боғлиқ вазият ҳақида фикр билдирди.
Микель Артета Микель Мерино ва Виктор Дьёкерешдан бирини танлаши керак, шунингдек, мавсум бошида жиддий жароҳат олган Кай Хаверц ҳам тез орада сафга қайтади.
"Ҳозир биринчи танлов Мерино бўлиб қолмоқда. Дам олиш кунлари Дьёкереш ўйнаганини биламан, лекин менимча, бу унинг яқинда жароҳатдан қайтгани, унга ўйин амалиёти кераклиги ва рақиб "Вулверхэмптон" бўлгани билан боғлиқ эди. Мерино олдинда ўйнаб кўп гол уради, аммо у деярли "сохта тўққизлик" вазифасини бажаради. Хаверц ҳам худди шундай усулда ўйнайди.
Бундай хилма-хиллик "Арсенал"га ўзгарувчанлик беради: яхши "соф" ҳужумчи бор, "сохта тўққизликлар" бор. Ўйлашимча, Артетага АПЛда ғолиб чиқиш учун уларнинг барчаси керак бўлади, аммо уларнинг ҳеч бирини "Арсенал"да кутилган "жаҳон даражасидаги ҳужумчи" деб бўлмайди," - дея Каррагернинг сўзларини келтиради Arsenal News Channel.
Шанба куни "канонирлар" "Эвертон" меҳмони бўлади.
